Ілінойс (англ.: Illinois [ˌ ɪlɨnɔɪ]) — штат на Сярэднім Захадзе ЗША. Плошча — 140.998 км². Насельніцтва — 12.910.409 чалавек (2009), пяты па колькасці жыхароў штат. Сталіца — горад Спрынгфілд, найбуйнейшы горад — Чыкага; іншыя буйныя гарады: Аўрора, Рокфард, Джолі.
Афіцыйная мянушка — «Зямля Лінкольна» (англ.: Land of Lincoln), а таксама «Штат у прэрыі» (анг. Prairie State). Афіцыйны дэвіз — «Незалежнасць штата, нацыянальны саюз» (анг. State sovereignty, national union). На амерыканскім дыялекце англійскай мовы «Illinois» вымаўляецца на французскі манер — без апошняга гуку «s» (ˌ ɪlɨnɔɪ).