Чу́йская вобласць (кырг.: Чүй облусу , руск.: Чуйская область ) — адміністрацыйна-тэрытарыяльная адзінка Кыргызстана, вобласць. Размешчаная ў цэнтры паўночнай часткі краіны. Адміністрацыйны цэнтр — Бішкек (таксама з’яўляецца сталіцай Кыргызстана і мае статус горада рэспубліканскага падпарадкавання, не ўваходзячы ў склад вобласці).
Мяжуе з Таласкай, Джалал-Абадскай (з абедзвюма — на паўднёвым захадзе), Нарынскай (на поўдні) і Ісык-Кульскай (на паўднёвым усходзе) абласцямі. На поўначы і паўночным захадзе праходзіць мяжа Кыргызстана з Казахстанам.