Дамініканская Рэспубліка (ісп.: República Dominicana [reˈpublika dominiˈkana]) — дзяржава ў Карыбскім басейне, займае ўсходнюю частку вострава Гаіці і некаторыя прылеглыя астравы. Плошча тэрыторыі — 48,4 тыс.кв.км. Насельніцтва — 8,6 млн чалавек; 73 % — метысы і мулаты, 16 % — белыя, 11 % — негры (ліп. 2007). Сталіца — Санта-Дамінга (2,6 млн чалавек). Дзяржаўная мова — іспанская. Рэлігія — каталіцтва. Нацыянальнае свята — Дзень незалежнасці — 27 лютага (1844). Грашовая адзінка — дамініканскі песа.