Паўднёвы Судан (англ.: Southern Sudan) — дзяржава ў Афрыцы. Сталіца — горад Джуба. Суверэнны статус Паўднёвага Судана набыў сілу 9 ліпеня 2011 года пасля яго афіцыйнага прызнання Суданам.
Паўднёвы Судан мяжуе з Эфіопіяй на ўсходзе, Кеніяй, Угандай і Дэмакратычнай Рэспублікай Конга на поўдні, ЦАР на захадзе і Суданам на поўначы. Плошча — 619.745 км². Насельніцтва — каля 8 млн чалавек. Большасць насельніцтва належыць да негроіднай расы і вызнае хрысціянства або мясцовыя анімічныя вераванні, у адрозненне ад арабскага мусульманскага насельніцтва паўночнага Судана.
Клімат моцна адрозніваецца ад клімата Судана: засушлівы перыяд тут працягваецца ўсяго адзін месяц. Увесь Паўднёвы Судан пакрыты лясамі — мусоннымі (або трапічнымі) на большай частцы краіны і экватарыяльнымі на крайнім поўдні.