Судан, Рэспубліка Суда́н (араб.: سودان) — дзяржава ў Паўночна-Усходняй Афрыцы, самая вялікая краіна Афрыкі і арабскага свету па плошчы. Мяжуе з Егіптам на поўначы, Лівіяй — на паўночным захадзе, Чадам — на захадзе, Цэнтральна-Афрыканскай Рэспублікай — на паўднёвым захадзе, Паўднёвым Суданам — на поўдні і Эрытрэяй і Эфіопія — на паўднёвым усходзе. На паўночным усходзе абмываецца водамі Чырвонага мора. Сталіца — горад Хартум. Назва краіны паходзіць ад арабскага Bilad-al-sudan, даслоўна — «краіна чорных». Грашовая адзінка — суданскі фунт.