Прагноз надвор'я ў краіне Сербія

Се́рбія (сербск.: Србија [sř̩bija]) — дзяржава на паўднёвым усходзе Еўропы, знаходзіцца на Балканскім паўвостраве. Мяжуе з Албаніяй, Балгарыяй, Босніяй і Герцагавінай, Чарнагорыяй, Венгрыяй, Македоніяй, Румыніяй, Харватыяй.

Тэрыторыя Сербіі з двума аўтаномнымі краямі – Косава і Мятохіяй і Ваяводзінай – складае 88,4 тыс. км². Адміністрацыйна Сербія падзеленая на 29 акруг і 189 абшчын. Сталіца – Бялград (1,5 млн жыхароў), адміністрацыйны цэнтр Ваяводзіны – Нові-Сад (265 тыс.), Косава і Мятохіі – Прышціна (600 тыс.).

Паводле праведзенага ў сакавіку 2002 перапісу, насельніцтва рэспублікі складае 7,5 млн чал., у т.л. Ваяводзіны – 2 млн чал. Дадзеныя не ўлічваюць насельніцтва Косава, якое па розных ацэнках складае каля 2 млн чал. Нацыянальны склад неаднастайны. Акрамя сербаў на тэрыторыі рэспублікі пражываюць албанцы (пераважна ў Косава і Мятохіі), венгры (галоўным чынам, у паўночнай частцы Ваяводзіны), а таксама харваты, румыны, славакі, руснакі, балгары, цыгане, туркі і інш.

Большасць веруючых - праваслаўныя. Распаўсюджаныя таксама каталіцызм (у Ваяводзіне) і іслам (у Косава і Мятохіі, Санджаке).

Грашовая адзінка – дынар. Курс да долара ЗША ў студзені 2010 года складае 81 дынар.