Рэспубліка Македонія (макед.: Република Македонија) або Былая югаслаўская Рэспубліка Македонія - БЮРМ (макед.: Πоранешна Југословенска Република Македонија - ΠЈРМ) — незалежная дзяржава ў Еўропе. Размешчаная на Балканскім паўвостраве на паўднёвым усходзе Еўропы. Часта называецца проста Македонія, але не варта блытаць яе з дзяржавай Старажытная Македонія, гістарычнай вобласцю і Македоніяй у суседняй Грэцыі. Рэспубліка Македонія займае каля 38 % плошчы гістарычнай Македоніі (51.5 % знаходзіцца на тэрыторыі сучаснай Грэцыі) і налічвае каля 44 % яе насельніцтва.
Тэрыторыя Рэспублікі Македонія раней складала самую паўднёвую частку Югаславіі. Сучасныя яе межы былі ўсталяваныя неўзабаве пасля Другой сусветнай вайны. У жніўні 1947 прэзідэнт СФРЮ І. Б. Ціта і прэм'ер-міністр Балгарыі Георгій Дзімітраў сустрэліся ў Бледзе і дамовіліся аб тым, што ўся Македонія (або прынамсі частка грэчаскай і ўся балгарская Македонія) у выніку ўвойдуць у саюз з югаслаўскай Македоніяй, пры ўмове што Балгарыя стане складовай часткай Федэрацыі балканскіх дзяржаў [1]. Так у складзе СФРЮ была ўтворана Сацыялістычная Рэспубліка Македонія — тым самым македонцы былі прызнаныя як самастойны народ у складзе СФРЮ. У 1991 пры распадзе Югаславіі на асобныя дзяржавы тэрыторыя Македоніі не зведала змен. У той жа час з'яўленне гэтай асобнай дзяржавы прывяло да бясконцых палітычных спрэчак з Грэцыяй з нагоды выкарыстання назваў «Македонія» і «македонцы». 4 лістапада 2004 г. адміністрацыя ЗША афіцыйна прызнала Рэспубліку Македонія пад гэтай яе канстытуцыйнай назвай. Паміж тым Еўрапейскі Саюз заявіў, што будзе карыстацца ранейшай назвай Македоніі. Еўрасаюз таксама даў Грэцыі гарантыі, што Македонія зможа ўвайсці ў склад гэтай арганізацыі толькі з прыбыткам да наймення слоў «былая югаслаўская рэспубліка».